सामाजिक एकताको पक्षमा नागरिक सद्भाव र्‍याली [तस्वीरहरू]

काठमाडौं । मधेस प्रदेशका सुनसरीलगायत विभिन्न जिल्लामा पछिल्ला दिनमा देखिएको तनाव र अशान्तिप्रति चिन्ता व्यक्त गर्दै शुक्रबार काठमाडौंमा शान्ति, सद्भाव र सामाजिक एकताको पक्षमा नागरिक सद्भाव र्‍याली आयोजना गरिएको छ ।

देशमा सामाजिक सद्भाव, धार्मिक सहिष्णुता र राष्ट्रिय एकतालाई थप सुदृढ बनाउने उद्देश्यले आयोजित र्‍यालीमा विभिन्न क्षेत्रका नागरिक, सामाजिक अभियन्ता, बुद्धिजीवी तथा युवाको सहभागिता रहेको थियो ।

सहभागीहरूले कुनै पनि प्रकारका हिंसा, द्वेष र साम्प्रदायिक तनावले समाजमा विभाजन ल्याउने भएकाले आपसी सहिष्णुता, संवाद र मेलमिलापको माध्यमबाट समस्या समाधान गर्नुपर्नेमा जोड दिएका थिए ।

र्‍यालीका क्रममा सहभागीहरूले शान्ति, सद्भाव, सामाजिक एकता र पारस्परिक सम्मान कायम राख्न सबै पक्षलाई जिम्मेवार बन्न आग्रह गरेका थिए । साथै अफवाह र उत्तेजनात्मक गतिविधिबाट टाढा रहँदै सामाजिक सद्भाव कायम राख्न नागरिकलाई अपिल पनि गरिएको थियो ।

हेरौं तस्वीरहरू –