हाम्रो बारेमा
नेपालयन हब पश्चिम नेपालबाट सञ्चालित एक स्वतन्त्र, निष्पक्ष, विश्वसनीय तथा जनउत्तरदायी डिजिटल समाचार तथा विचार मञ्च हो। सत्य, तथ्य र पत्रकारिताको नैतिक मूल्यलाई केन्द्रमा राख्दै हामी जनताका आवाज, सरोकार, समस्या, संघर्ष, सफलता र परिवर्तनका कथाहरूलाई प्राथमिकताका साथ उजागर गर्ने कार्यमा समर्पित छौं।
लोकतन्त्र, मानवअधिकार, सामाजिक न्याय, प्रेस स्वतन्त्रता तथा नागरिक सहभागिताका मूल्य र मान्यताप्रति दृढ प्रतिबद्ध रहँदै नेपालयन हब निष्पक्ष, उत्तरदायी र जनपक्षीय पत्रकारिताको अभ्यासमा निरन्तर क्रियाशील छ। स्थानीय तहदेखि राष्ट्रिय तथा अन्तर्राष्ट्रिय क्षेत्रसम्मका समसामयिक घटनाक्रम, नीतिगत बहस, विकास निर्माण, सुशासन, अर्थतन्त्र, शिक्षा, स्वास्थ्य, कृषि, पर्यटन, खेलकुद, संस्कृति तथा सामाजिक रूपान्तरणसँग सम्बन्धित विषयलाई सन्तुलित, तथ्यपरक र विश्वसनीय ढंगले पाठकमाझ पुर्याउनु हाम्रो मूल दायित्व हो।
नेपालयन हब केवल समाचार सम्प्रेषण गर्ने माध्यम मात्र होइन, नागरिकका आवाजलाई सम्बन्धित निकायसम्म पुर्याउने जिम्मेवार सार्वजनिक मञ्च पनि हो। समाजका विविध वर्ग, समुदाय र क्षेत्रका मुद्दाहरूलाई स्थान दिँदै सकारात्मक परिवर्तन, उत्तरदायी शासन र सशक्त नागरिक समाज निर्माणमा योगदान पुर्याउनु हाम्रो उद्देश्य हो।
“नेपालयन” शब्दले नेपालप्रतिको आत्मीयता, पहिचान, समर्पण र यात्राको भाव व्यक्त गर्दछ। यही भावनालाई आत्मसात गर्दै युवा पत्रकारहरूको समूहद्वारा सञ्चालित नेपालयन हब सत्यको खोजी, निष्पक्ष अभिव्यक्ति, तथ्यमा आधारित विश्लेषण र उत्तरदायी पत्रकारिताको अभ्यासमा निरन्तर अग्रसर छ।
हामी विश्वास गर्छौं— पत्रकारिता केवल सूचना प्रवाह गर्ने माध्यम मात्र होइन, समाजलाई सही दिशा दिने, जनचेतना अभिवृद्धि गर्ने र लोकतन्त्रलाई सुदृढ बनाउने महत्वपूर्ण आधार पनि हो। त्यसैले जनताको सवाललाई केन्द्रमा राख्दै सत्य, तथ्य र विश्वासको यात्रामा नेपालयन हब निरन्तर अघि बढिरहनेछ।
पाठक, शुभेच्छुक, विज्ञापनदाता, सहयोगी तथा सम्पूर्ण सरोकारवालाप्रति हार्दिक आभार व्यक्त गर्दछौं। तपाईंहरूको विश्वास, साथ र सहयोग नै हाम्रो प्रेरणा हो।
तेज ओली
प्रबन्ध निर्देशक
नेपालयन हब
